أصدقاااااااااااااااااااااااائي

ماحد يصادق في علالي الجو غيمه =ولا احد يشتري بامواله نجوم

ولا احد ينصب على الأمواج خيمه = ولا سمعن حوت في صحراء يعوم

كلمة صداقة تعتبر كلمة عظيمه = تحوي معاني جم واصناف الرسوم

حذرك تصادق شخص ما عنده عزيمه = عند الشدايد يختفي شبه الغيوم

واسمع لمن جرب وحوى خبره قديمه = عاصر وجالس واختزن عنده علوم

ماهو الصديق المنتظر منك غنيمه = مثل الغراب اللي على صيده يحوم

بل صاحبك من ينصحك قبل الهزيمة = واسأل سيفه ساندك عدد النجوم

اطارها الاخلاص والنظره الحكيمه = ويفديك بالروح في وقت اللزوم

مصدر ثقه غالي تعدى كل قيمة = شهم الخصايل ينتقي عن الف قوم