عادي بين أفراد عائله أردنيه

عادي بين أفراد عائله أردنيه

الاب مخاطب الابن :تعال وله

الابن وبكل براءة :نعم

الاب:نعامة ترفصك ...تعال وله

الابن :ليش شو سويت؟

الاب:سواك ضريب يخلع رقبتك

الابن:شوفيه؟

الام :شاوي يشوي عضمك ...رد على ابوك بأدب وله

الابن :هوه انا حكيت شي؟

الاب:حكحكوا جنابك بالعصايه اوقف عدل يا حيوان

الابن :حاضر

الام:يحضروا على قبرك ان شاء الله ...لما ابوك يحكي انت بتخرس

الابن :اخرس؟؟

الاب:ايوه ان شاء الله خرسه

الابن :ماشي

الام:اجاك مشش بركبك ما تقوم منه ان شاء الله

الابن:مشش؟؟شو هاذا المشش؟؟

الاب:اما انك قليل حيا ..وبترد على امك كمان ؟هات العصاي وتعال وله

الابن :انا رديت على امي ؟يمه احكي كلمه

الام:موا يمزع نيعك وله ...حكيتلك اخرس

الابن اصبح مغلوبا على امره ومش فاهم ايش الموضوع وصمت

الاب:اما جيل قليل حيا ..احكي وله..مالك انخرست

الابن :شو احكي ؟اذا حكيت بتقولوا عني قليل حيا وبتشوفوني غلط

الام :حيه الي تقرصك ان شاء الله..قلتلك تأدب وانت بتحكي مع ابوك

الاب:ايش بتشوفوني غلط هاي ..شايفنا عميان ولا حول ؟

الابن:لا اله الا الله

الام:الله يوخدك ان شاء الله ...يا ريتني خلفت ابن الجيران ولا انت

الاب:انا مش عارف هاذا الولد متى بده يصير زلمه ..دايما فاظحني بين الرجال

الابن :طيب شو اعمل عشان تشوفني زلمه؟

الاب:قلتلك اخرس وله

الابن:يا الله ..يا الله ..يا جماعه شو مالكوا ..شو فيه؟

الام:اه صحيح انت ليش ناديت عالولد يا زلمه؟

الاب:بتصدقي يا مره اني نسيت ...نساني شو كنت بدي منه

الاب:خلص روح ارجع على غرفتك يا با ...